世界波：Bikini碌齡男人睇到眼擎擎

原來除咗一眾水上運動、沙灘排球，會有囡囡着住比堅尼嚟玩之外，喺室內進行嘅保齡球比賽都一樣得，皆因呢個係美國嘅Bikini Bowling大賽，一眾參賽囡囡都要遵照Dress Code穿上比堅尼上陣，難怪每次舉行都吸引到唔少男觀眾捧場啦！

參加得呢個Bikini Bowling大賽嘅選手，都係對自己嘅身材同埋球技都充滿信心嘅女士，佢哋好Enjoy場邊一眾男觀眾為佢哋吶喊打氣，班男士叫得愈大聲，囡囡就愈覺得自己有吸引力，就算贏唔到比賽，都可以贏得一班持者嘅掌聲。

少女組隊參賽

賽事分為個人賽及隊際賽，有唔少隊伍都係由青春少艾組成，佢哋嘅身材好多都勁標青，大部分都擁有C Cup上圍，穿起比堅尼時更具美態，睇到男人血脈賁張。

再加上佢哋俯身將保齡球碌出球道時，咪咪好易從比堅尼中「逃走」，所以場內唔少男觀眾都會爭取有利位置，希望一睹呢幕春光乍洩嘅場面。不過唔知係咪囡囡早有準備，整個比賽過程中，竟然好少出現如此香艷場面，令男觀眾大失所望。

飛吻贈支持者

其實呢個比賽冇年齡限制，即係話只要你夠膽又有信心就可以參賽，所以現場所見，不乏充滿自信又身材出眾嘅中女參賽，加上佢哋唔少樣貌都有一定水準，現場好多男士都覺得佢哋嗒得杯落，一直眼甘甘望到實。呢批中女為咗博取支持度，比少女更主動，不停向現場男士拋媚眼、送飛吻，風騷程度比少女們有過之而無不及，搞到好多男人都立即轉軚，支持佢哋。

養眼肉球爭獎

當晚嘅比賽除咗有隊際獎項同個人獎項外，仲設有一個安慰獎，由現場觀眾投票選出，只要囡囡身上擁有可與保齡球媲美嘅養眼大肉球，就有機會得獎。事關唔少男觀眾睇Bikini Bowling，最主要都係想睇比堅尼索女，欣賞球技反而係其次，所以就算囡囡技不如人，只要上身夠好波，都一樣可以有獎攞！