填補空虛

話說我將拉丁仔推咗畀Moni嗰晚之後，佢兩個就開始玩失蹤，就算係最蠢嘅人，都知道係咩一回事，不過我天生八卦，而且Moni就算真係水到渠成，都好應該出嚟多謝我呢個大媒人。一個月後，我終於忍唔住打畀Moni，問個究竟！

電話響咗幾下，我就聽到一把好風騷嘅聲線：「Barbara，我想搵你好耐o架喇，不過一直分身不暇，你唔會嬲吖嘛？」果然變番正常，識得先發制人，我惟有開門見山：「衰婆，嗰晚之後，人影都唔見，肯定有着落啦！快啲一五一十招供，如果唔係我隨時收番拉丁仔o架！」

佢立即發出淫蕩嘅笑聲：「你依家想收都未必收得番噃！」我更加有興趣，叫佢繼續講。「我依家先知原來自己仲好有魅力，嗰晚食完飯之後，你借意甩身，拉丁仔就送我返屋企，不過唔係我屋企，而係佢屋企，我哋喺的士已經不停咀，我依家先知，原來女人渴起上嚟，仲得人驚過男人，當晚我覺得自己體內嘅慾火，好似熔岩一樣，熱到要流出嚟！佢伸手摸我任何一處，我都好似升仙咁，兩個人都好High。佢嘅性能力真係好過我老公10倍，把寶劍又夠大，一晚搞咗3次，次次都成粒鐘，將我成年嘅飢渴都填滿晒，嗰晚之後，我咩嘢空虛都冇晒囉！」

我聽到呢度，大約都知拉丁仔會點樣做，我又唔係未食過，於是叫佢長話短說。Moni繼續講：「經過一個月嘅培『慾」之後，我哋依家嘅感情一日千里，我已經同老公搞好離婚手續，個衰佬不知幾愕然，佢之前坐定粒六，以為我冇咗佢唔得，依家我真係吐氣揚眉，我一定要好好多謝你……」（待續）

Lady Barbara

某大公司高級行政秘書，年齡係秘密，蒲齡更加無謂講，向以獵男為己任，志願係嫁個有錢人，日日行街Shopping、High Tea做Facial，早日脫離打工行列。