嗣永桃子 可愛胸襲
日本藝能界有好多可愛少女組合，依家最Hit當然係AKB48，不過除咗佢哋之外，Hello! Project Kids都一樣好受歡迎，而佢哋嘅成員嗣永桃子更加被稱為「世界上最可愛偶像」。
桃子之所以有呢個稱號，一來因為生得可愛，二來其五呎差一吋嘅嬌小身材亦係原因之一。雖然桃子生得細細粒，但卻擁有豐滿上圍，而出身自草根階層嘅佢，喺出道初期成日都穿着平價上衣同運動鞋，令大眾覺得佢更加親切。今年嘅3月6日，桃子就會踏入20歲嘅成年大日子，為隆重其事，佢將會推出新寫真集《20歲亦可以擁有》。寫真集會以四季為主題，阿妹仲會換上可愛又性感嘅比堅尼上陣，實行向支持者嚟個最可愛胸襲，真係唔可以錯過呀！