世界波:睇面形溝女 清楚開邊瓣
成日聽到啲男人用相學觀點嚟品評女人,呢個又話生得一副賢良淑德相,嗰個又話天生一副姣婆格,究竟點睇?最簡單莫過於睇面形!雖然仲要配合埋眼、耳、口、鼻嚟分析先夠準確,但其實單靠面形亦可以簡略分析出佢屬於重慾型還是重情型。
圓字臉 性慾強
顧名思義,圓字臉嘅人,一張臉圓碌碌,臉頰肉豐滿,加上頸部較短,顯得臉形更圓。這類人較細心,善解人意,能關懷別人,頗得異性緣。而且有貪吃貪睡嘅傾向,正所謂「食色性也」,故其性慾亦頗強。男人如果想要一個床上好對手的話,就最好揀個面圓圓嘅女人,佢嘅胃口一定唔會比你小。
甲字臉 重溝通
甲字臉即臉形成倒三角形,額頭顯得大而臉頰瘦,下巴尖,臉色較蒼白者,偏愛思考,深謀遠慮。佢哋重視精神活動、敏感,部分此臉形者有輕微嘅神經質傾向。所以一般嚟講,呢類臉形嘅女人,並唔係床上好對手,但作為靈魂伴侶(Soulmate)就好適合,所以男人同佢上床前,最好溝通多啲,同埋做足前奏,否則隨時冇下次。
田字臉 活力夠
臉形看起來如田字般呈方形,臉和身體肌肉較結實,贅肉唔太多嘅會被界定為田字臉。一般而言,田字臉嘅人骨骼強健,外表看來較魁梧。個性上,意志力強,具冒險精神,臨危不亂。喜歡指使他人,好勝心亦特別強,精力旺盛。若然你想搵個床上活力十足嘅對手,田字臉就啱晒,不過佢本身嘅胃口未必大,所以最好由男人做主動,引起佢嘅性趣。
目字臉 夠主動
目字臉指臉形偏向長方形,呢類臉形嘅女人活動力強,事業心重,有男子氣概,好容易投入工作,甚至因此而影響咗家庭生活。佢哋喺床上都會偏向主導型,男人如果想要一個掌控型嘅床上對手,目字臉就啱晒喇!不過同目字臉女人上床,一定要懂得找尋合適時機,佢哋唔會為咗性愛而放棄工作,就算時機合適,佢哋都唔鍾意玩耐力賽,速戰速決就最適合不過!