露底戰士
鍾意睇科幻漫畫嘅動漫迷，一定聽過士郎正宗嘅大名，佢所創作嘅《攻殼機動隊》、《仙術超攻殼Orion》、《Black Magic》等作品，更係耳熟能詳，除此之外，士郎正宗亦推出過畫集，而喺畫集《Pieces 2》出現嘅女性人物Iris，最近更被模型化。
士郎正宗繪畫嘅女性人物，個個樣靚身材正，扮相更係香艷非常，好似呢位Iris咁，唔單止有對驕人雙峰，穿上露底嘅戰衣，更係相當養眼。
至於呢個首辦模型，充分展現出原著嘅神髓，激凸嘅身材展露無遺，睇到人流晒口水。此外，隨模型附送一支重型機槍，讓Iris平添霸氣。