平板電腦揀女
有餐廳用平板電腦取代傳統餐牌點菜，估唔到連內地夜場亦用嚟揀囡囡。話說早前有爸打去咗北京夜總會玩樂，入房坐低後，媽咪唔係帶班囡囡嚟選美，竟然係攞部平板電腦入嚟畀佢哋睇辦，結果睇咗廿幾個囡囡嘅相片後，爸打終於揀到心頭好，等咗15分鐘左右，相中嘅囡囡就入房陪坐飲酒，之後梗係同囡囡上房Happy。
事後爸打回港分享，佢認為夜場用平板電腦畀客人睇辦揀女，有利亦有弊，對年輕玩家嚟講，當然覺得新鮮又過癮，但老一輩嘅玩家肯定唔Buy。
不過，媽咪就話呢個選美方法試用咗兩個月，反應比預期中好：「事實上，老一輩嘅客人反而對新科技揀囡囡嘅方法更受落，皆因用電腦揀女，有相睇之餘，仲可以同囡囡玩視像對話，啱心水嘅就即刻叫囡囡過嚟招呼，唔啱嘅就可以Cut線再揀過，唔使當面彈女咁尷尬！」可能不久將來，東莞骨場都會跟住潮流轉用呢種方法畀客人揀女。