偷食要隱 - 太陽報

出嚟偷食最重要係乜？靚仔、有錢？No！係要「隱」得！喺呢個虛擬年代，平板電腦、智能手機、社交網站、統統都會出賣你，一唔小心自己斷正揼心都冇用！所以坊間不少軟件開發商，都有推出私隱App，但邊個最好用呢？呢期我會推介你用《Loky Plus》，皆因佢嘅功能非常齊全，仲包括隱形Icon。下載後，Icon不會顯示於桌面，畀女友偷睇都冇有怕，加密方面超堅，但凡係電話號碼、電郵地址、SMS、MMS、相片、短片、文件等，想鎖乜都得！鎖好後更可為手機自設兩用模式，需要曳曳時就調到私人Mode、要交人時就變回正常Mode，咁就萬無一失。最後記得Set埋個「Security Log」，咁個App就會每日將成功登入時間傳E-mail畀你，打開過邊個File，睇過啲乜都一清二楚啦！