翹臀女王胡騰藝

用「女大十八變」嚟形容胡騰藝就最合適不過，17歲那年佢參加長島形象大使選舉，當時嘅佢面圓圓，身形有啲Baby Fat，點似家陣V面、身材Fit到漏，真係完全唔同晒，實在愈大愈索。

如果大家想睇番當年胡騰藝參加長島形象大使選舉嘅片段，只要上網就睇得到。雖然佢响呢個比賽落選咗，但騰藝話獲益良多，得到唔少寶貴經驗，更獲得模特兒公司垂青，之後佢就入行做Model，主力拍攝雜誌硬照。

渾圓堅挺

及後，騰藝返回老家武漢參加選美比賽，於上萬名參賽佳麗當中突圍而出，殺入百強，雖然最後都係落選，但之後佢得到一間大型模特兒公司賞識，令佢有機會赴北京發展，更參與多本全國性雜誌嘅拍攝工作，因而人氣大升。事實騰藝嘅身材真係索到爆，上圍有33D，身高有172cm，腿長42吋，單係騷一雙玉腿，就已經夠晒煞食。而最吸引嘅係，騰藝擁有渾圓堅挺美股，由於佢經常趷股擺甫士，相當誘人，因而有「翹臀女王」嘅稱號。

真空上陣

除此之外，騰藝拍攝寫真時一啲都唔錫身，經常真空上陣，噴血度極高，難怪佢啲工作接唔停，更成為人氣模特兒。而為咗將來可以作多方面發展，騰藝報讀北京電影學院，不過佢向傳媒話，擔心自己畢唔到業喎，其實只要有恒心同上進心，就一定會成功。當然，希望騰藝畀心機讀書之餘，亦可以抽多啲時間拍攝寫真，滿足粉絲嘅眼球啦！

胡騰藝Profile

出生地：湖北武漢

三　圍：33-24-34

身　高：172cm

興　趣：聽歌、上網