世界波：性書靠害咪亂學！

對性有疑難羞於啟齒？性教育叢書可教你一招半式，而情侶間更可從中啟發不少性趣！之不過事實上係愛可以亂做，書中內容唔可以亂信，事關唔少性書亂噏當秘笈，隨時令你命都冇。有網站就指出過去歐美有多本暢銷性書都有誤人子弟之嫌，更總結出10大可怕、可恥性愛指南，踢爆當中嘅謬誤！

網站借用一篇題為《The 10 Most Terrifying Guides to Sex》嘅文章，指出暢銷性書嘅內容有可能會誤導讀者，結果吸引近140萬網友點擊瀏覽。文章作者為加拿大網絡寫手Ian Fortey，自言愛生活、更愛性生活，曾發表多篇文章談性，例如《情侶自拍情慾短片超可悲》、《25件最令人不安性玩具》等，每次刊出都必登點擊首位。阿哥自言閱性書無數，更認為性愛非可怕亦非可恥，無奈小部分出版界人士為譁眾取寵，亂出所謂性愛指南，無知讀者好易中招！小記於10大中揀咗幾本介紹畀讀者，希望大家睇完之後識得分辨何謂好嘅性愛指南，以免學錯師搞到累人累己。

No.1

《A Hand in the Bush: The Fine Art of Vaginal Fisting 》（拳交視覺藝術）

書籍簡介：以拳交為主題，內容據說經3名對拳交有正確理解的醫生驗證。

拳交呢種玩意聽到都覺得驚，要實踐真係無法想像，但作為一本「衝擊視覺」嘅書籍，本書已經達到目的。

讀者有Say：好書一本，圖文並茂詳盡介紹如何將整隻手放入女性體內。

Ian見解：呢本書話有3位醫生睇過驗證，但唔知呢3位醫生診斷過幾多位因玩拳交而受傷嘅病人呢？真係可以以偏概全咁推薦？有冇第4位或更多醫生睇完之後覺得唔OK呢？正如啲牙膏廣告夠成日話自己有最多牙醫推薦啦！呢本書最多只可以話畀大家聽，如何將拳頭放入女性陰道，但要跟住學，就絕對唔建議囉！

No.3

《How to be the Best Lover: A Guide for Teenage Boys》（給青少年的完美情人指南）

書籍簡介：本書以青少年為目標，談論有關性愛或口舌服務的事情。

坊間教你做好情人嘅書多不勝數，但睇完真係會照住做嘅又有幾多人呢？

讀者有Say：本書一出我就立即上網訂購，畀老公睇完我就畀3個女睇，依家仲借埋畀啲男仔睇添！

Ian見解：「性愛指南」不論對任何人嚟講都唔係必需品，呢本書仲要針對年輕人市場，莫非諗住叫家長買畀仔女睇，等佢哋跟住實踐？定係要囡囡按書中指引去釐定男友仔完美與否？一句到尾，性係需要經驗磨合，教人學習「一桿入洞」為目標簡直不切實際。

No.5

《Make Your Own Sex Toys》（簡易快速的性玩具DIY）

書籍簡介：教授從家裏、超市或五金舖中找材料自製簡易性玩具。

現今玩性玩具好平常，坊間由可愛到重口味都照顧到，買都咁方便，點解要自製？

讀者有Say：DIY性玩具，真係有好大滿足感！

Ian見解：呢本絕對係反面教材，DIY性玩具最可能導致嘅結果係傷害閣下或伴侶重要部位，難道要搞出人命至知錯？喺五金舖或超市買到嘅性玩具材料，來來去去都係單車泵、電線膠布同氣球合成，唔想成為急症室笑柄就咪亂試。

No.9

《Sex in the Golden Years》（耆英也有性）

書籍簡介：愈來愈多人活至70、80歲，此書探討銀髮族的性愛種種。

人類長命咗，活到80、90歲視作等閒，連外界亦鼓勵耆英應有性行為，至於幾多歲可以做、過程點做至安全？及性愛對耆英身心有乜好處？內容相當空泛，難怪口痕友話一日未死一日都做得，但分分鐘未做完就猝死。

讀者有Say：作為耆英一名，重拾性生活後令我容光煥發，心境青春咗、變得朝氣勃勃，我真係從來都唔知道原來性愛可以咁美好。

Ian見解：要到70歲至體驗到性高潮，咁過去嘅人生咪枉過？其次耆英性能力下降實屬正常，冇理由現在得到嘅高潮會比高峰時更強。加上步入花甲之齡，一班老人家圍埋一齊公然談性，實在好嚇人囉！

No.10

《The ToyBag Guide to Erotic Knifeplay！》（刀片性愛）

書籍簡介：介紹如何在性愛中使用閃亮刀片以炮製興奮感覺。

刀片甚或刀劍性愛喺歐美SM片幾乎係指定道具，旨在令被虐者出現驚嚇感覺，繼而將衫褲、絲襪、麻繩逐一割破，甚至要囡囡用刀柄自娛，愈恐懼愈快樂，行為超變態，各位千祈咪試。

讀者有Say：呢本書非常Amazing，啟發情侶喺性事上嘅無限樂趣及創意！

Ian見解：刀片性愛簡直係玩命，類似情節只應發生於色情動畫上，現實中玩家一唔小心或其中一方過分興奮必定出事，若然要玩，心理上要有死亡準備，同時要先喺自己身上練習，玩過冇事至好實行！