女人瀛：透視誘惑 激發獸性

日本男人有時真係好難服侍，再加上大男人主義十分強烈，尤其是出去沙沙滾嘅時候，要求更加高。位於西新宿嘅透視俱樂部，開業幾年，生意一直火紅，皆因俱樂部嘅服務周到，囡囡質素又高，滿足晒客人嘅要求，回頭客甚多。

西新宿一向係東京嘅紅燈區，好多人以為歌舞伎町先係最出名，但其實隨着歌舞伎町愈來愈多遊客到訪之後，好多比較着重私隱度嘅俱樂部都遷移去西新宿，令該區成為咗第二個紅燈區。

索模質素

呢間透視俱樂部開業已經３年，專玩透視誘惑，但生意一直暢旺，未光顧過嘅會覺得好奇怪，玩法又唔係新奇，又單一化，究竟佢憑咩留住客人呢？答案好簡單，就係憑住一流嘅服務同埋囡囡質素高，雖然俱樂部只提供一種透視誘惑玩意，但係囡囡全部都係經過精挑細選，個個都身材高挑，有前有後，十足模特兒咁款，而且佢哋接受過嚴格訓練，事事以客人為先，服侍周到，體貼入微，讓客人有帝王式享受，自然令男人冧到痹。

若隱若現

服務方面，囡囡每次同客人飲酒作樂，都會穿上透視裝，令身上重要部位若隱若現，客人當然會借醉行「胸」，而囡囡會表現得欲拒還迎，唔會拒絕又唔畀客人太放肆，咁樣自然可以勾起客人嘅原始慾望。跟住上到房之後，囡囡就會施展精湛嘅床技，大玩花式之餘，亦會聽教聽話，無論客人有咩要求，囡囡都會盡量滿足，就係咁簡單，令唔少日本男士甘願掏腰包一再光顧。