紅頭包膠：飯局妹有下文
成班麻甩佬同枱食飯真係好齋，如果有囡囡陪食，就梗係Happy好多啦！最近惠州就出現「飯局妹」，佢哋不但年輕貌美，仲衣着性感，專門陪男士食飯。呢班飯局妹由雞頭帶領，接到柯打就會出動，囡囡人數按客人要求而定，每位囡囡收費￥50，價錢相當合理。據雞頭表示，大部分飯局妹都係援交妹同髮廊妹，所以全部都有侍客經驗，保證招呼周到，服侍得客人開開心心。如果客人睇中囡囡的話，仲可以有下文，短敍價￥300起。
而有食客就認為，成班麻甩佬食飯想熱鬧啲，就會Call囡囡陪食，有時未必想有下文，食完飯就各自走人。至於囡囡就話，就算只係陪客人食飯冇下文都有着數：「如果生意好嘅話，一日三餐都可以免費飲飲食食，又有錢收，不知幾好做。」難怪雞頭話吸引唔少貪威識食嘅囡囡加入飯局妹行列啦！