國產女模：有腦美人 王一娜

今日介紹嘅呢位人氣模特兒，除咗樣子甜美，身材出眾外，仲好有商業頭腦，喺網上用自己嘅嘜頭嚟做生招牌賣時裝，據知生意旺盛，呢位咁識搵錢嘅靚女，就係王一娜。

嚟自東三省嘅王一娜，係吉林長春人，身材高挑，有165cm高，加上甜美可人嘅樣子，入行冇耐便大受歡迎，除咗拍攝硬照外，仲參與唔少電視節目嘅演出，由於一娜口才了得，所以深受觀眾同製作單位賞識，工作接唔停。

經營副業

前陣子過年期間，一娜就忙到不得了，行騷及出席活動之外，又要擔任電視節目嘅嘉賓，收入真係豬籠入水。但原來一娜嘅主要收入，並唔係嚟自演藝工作，唔通佢經營副業？係就係副業，但大家唔好心邪，一娜喺網上做時裝生意，由於佢成日拍時裝照，所以認識咗啲時裝批發廠商，從對方購入新款時裝，然後喺自己嘅網上時裝店售賣，佢更親自做生招牌，擔任模特兒，自然生意興旺啦！

性感火辣

但計我話如果一娜唔賣時裝，改賣內衣會更加成功，事關一娜嘅身材相當火辣，上圍有35C，配上24吋小蠻腰，玲瓏浮凸，一定可以將內衣嘅性感效果充分發揮。平時一娜拍攝時裝照，只係露條事業線，就已經令男士流晒鼻血，如果一娜拍攝內衣性感照片嘅話，相信唔止內衣大賣，連人氣都會火速上升，絕對有機會成為內地新一代嘅性感偶像。

王一娜Profile

出生地：吉林長春

三圍：35C-24-35

身高：165cm

興趣：演戲、唱歌