世界波：床伴好記性 一觸即爆

師傅成日都話，一個人最辛苦就係記性太好，如果做人冇乜記性，咁就唔會記仇、唔會記恨，日日做人都咁開心，你話幾好呢？之不過，做人可以冇記性，但係做愛就一定要好記性！

人體嘅構造真係相當奧妙，就好似我哋嘅大腦咁，又冇磁片、又冇數碼，但係卻可以畀我哋記住咁多事物，每當你老婆或女友搵番你舊陣時嘅不忠之事出嚟講，仲令你感嘆人類嘅記憶力好犀利。又或者，每當夜闌人靜，突然翻開舊相簿，見到以前同舊情人嘅合照，你又會記得當時係幾咁甜蜜，此時此刻，你可能會希望自己可以被洗腦，清洗一切痛苦記憶。

緊記女伴特性

不過清除記憶嘅做法太消極，我哋應該從過去嘅經驗中學習，特別係喺性事上，事關要引爆床上激情，記性真係好重要。我所指嘅記性，唔係要大家記住加藤鷹於三仔當中，曾經展示過嘅高超性技，然後於床上實戰中應用喎，而係要記住女伴嘅特性，好等自己作針對「性」攻勢。除咗可以令對方欲仙欲死外，仲可以令對方冧到入心，了解到你係如何體貼入微，如何床技了得。

記住要害

再厲害嘅武功高手都會有罩門，只要被點中死穴就會即時破功而亡。要喺床上百戰百勝，令女伴咬碎銀牙，道理都係一樣，記住要攻擊女伴嘅要害。每個女仔嘅特性都有分別，敏感之處可能係小妹妹，又可能係雙乳，亦有可能係耳背、頸項、腰後等，一旦刺激中要害，就會令女伴骨酥肉軟，呻吟連連，呢個時候你就要記住女伴嘅要害所在，到下一次上床時，就唔好做咁多多餘動作，向其要害作針對性攻擊啦！

記住上次

出去玩嘅時候，如果你係去同一間骨場，入房時發覺同上次間房一樣，而招呼你嘅骨女又係上次嗰個，你都會覺得刺激度大減，若然骨女劈頭第一句又係問你：「先生，第一次嚟玩呀？我叫小紅呀。」此刻，你必定會完全記起上一次嘅經歷，亦會諗到即將上演嘅床戰將會如何進行。你唔想咁樣，女伴亦一樣，所以上床嘅經歷要記低，下次由交歡地點以至前戲到埋牙體位嘅順序，都千祈咪重複，咁至可以同女伴一齊發掘更多新刺激。

記住開口

睇日本三仔間唔中都會誤以為自己睇緊默劇，因為唔少女優雖然樣靚身材正，但係上到床死都唔肯開口呻吟。其實要令床戰氣氛十足，最緊要記住開口，發出獸吼以帶起高漲嘅情緒，令對方深受感染，如果嫌獸吼有失斯文，亦可以叫住對方個名，又或者嗌：「好爽呀，你真係好正呀！」之類嘅讚美說話，若然大家都係粗人一名，梗係可以講粗口啦！大家只要記得以上呢三個性事重點，想High話都冇咁易！