石川梨華全裸不露點
所謂一代新人勝舊人，每當有新人出現嗰時，舊人自然可以退下來，好似日本藝能界咁，青春可愛嘅女子組合AKB48風頭一時無兩，早已揮低當年曾經紅極一時嘅早安少女組。雖然後者嘅成員已經一個個離隊，之不過唔以組合發展，都可以玩單飛啫！
好似後藤真希就去咗唱歌，間唔中會拍吓性感寫真；而加護亞依就傳會下海拍AV。無獨有偶，另一位前早安少女組成員石川梨華最近亦剝衫拍寫真。今年27歲嘅梨華表示，為咗慶祝生辰而推出最新寫真集《華心》，除咗會着上超性感水着上陣外，仲會以全裸不露點嘅姿態示人，Fans記得買番本嚟珍藏呀！