提升囡囡形象

收到F的電話，問我有沒有時間在澳門聚一聚，老朋友約到，當然要現身。這些年，F一直跟澳門夜場打交道，更開始了他為夜場設計服裝的事業，當然，他們那行，競爭也非常大，後來不時也聽他說有不同的計劃，例如到東莞去做衫的想法：「你估東莞又好易做咩，夠膽死落晒Order、開緊工先嚟講價，咁你話，做畀佢吖，定唔做嘞？」再加上工人的成本愈來愈貴，看他，兩邊膊頭的擔子也不見輕。

找我，原來他有個新想法：「啲場來來去去都只係注意到下期換咩衫，我覺得依家其實注重嘅應該係整體形象，衫再靚都冇用，囡囡嘅化妝、髮型、氣質唔得嘅話，着起龍袍都唔似太子啦！」我說，澳門的小姐房已經很完善了，最起碼，裏面有化妝師、有髮型師，也很專業啊！卻原來，他另有想法：「嗰啲只會同囡囡油吓顏色，執齊整啲頭髮就算，咁多女，唔通逐個幫你搞形象設計咩？」他的想法是，真的給所有囡囡設計形象：「從頭到面到儀表，淨係賣Body都賣咗咁多年，係時候提升啦！」