世界波：冧女唔止靠支炮

美國大學性學研究中心，最近對1,000名女性進行咗個口舌服務調查，發現有6成女性認同男人為佢哋進行口舌服務，比埋身肉搏更容易達到高潮。更有4成女性認為除咗口舌服務外，男人嘅指技同樣可以為佢哋帶來高潮。所以男士們，咪再以為支炮粗長就係萬能，一旦忽略咗其他身體武器，快感分分鐘跌Watt。

男人做愛一向愛衝鋒陷陣，更認為自己支大炮就係令女人俯首稱臣嘅武器。其實女人嘅肉體構造好複雜，尤其是小妹妹，想令佢滿足必定要溫柔對待不可，而全身最合適嘅武器，其實係一條三寸不爛之舌，有佢幫手，會令女人開心好多。

舌戰群雌

好多男人都鍾意女伴為自己進行口舌服務，不過當女伴要求同等待遇時，男人就會有所猶豫。其實自己既然知口舌服務嘅樂趣有幾大，就應該同女伴一齊分享，尤其是女人嘅G點，好多時都處於陰道外，單靠活塞運動，係好難刺激到G點，而男人為女伴進行口舌服務時，若然能用鼻尖觸碰一下陰蒂位置，更能令女人樂上半天。

一指中的

男人手多多就係人都知，但好多男人卻唔知道上床時候可以點樣好好運用呢10隻手指。其實男人除咗支肉棒，更有10支神奇小棒，可以將女人嘅慾火燃起，甚至未入正題已經令女人登上高峰。所以男人千萬唔好忽略呢10隻神奇小指，埋牙前，不妨對女人嘅大腿和側腹施展「指技」，再慢慢移動，直達私家重地，集中刺激外陰部分，不僅會令女人更易進入最佳狀態，隨時一「指」中的，令女伴登上高峰。

擁抱動情

有些較為衝動嘅男人，一旦性起就急於進攻，喺冇任何準備情況下馬上進入，令女人難以忍受。女人其實除咗肉體需要充分預備之外，心靈上亦需要充分提升，先可以令慾火燒得更旺盛。

所以事前就算唔識得做任何前戲嘅男人，都應該學懂擁抱女伴，呢份充實、溫暖嘅感覺，可以令女人嘅心靈得到滿足，尤其是赤裸裸嘅擁抱，更能令女人動情，下次不妨試試。