風光不再
問同事，最近市場開哪一瓣？大家都說，香港場的生意都算蠻不錯：「由高鐘轉咗去做變相鳳樓嘅，固然因為手女夠高質而做得唔錯啦！啲骨場、夜總會、指壓都平平穩穩，好明顯，依家真係多咗人留港消費。上面生活指數升咁多，好多人計過數，都寧願留番喺度玩啦！」相比起早5、6年，身邊人好多一收工就撲上三沙一水，或唱K，或食快餐，或去揼邪骨，甚至有人金屋藏嬌，那段風光的日子，真的是俱往矣！
很多在上面做場的人都問過我，是不是香港人窮了？我沒有甚麼統計數字，但我放眼看那些高尚住宅區，隨便一個單位都三幾千萬元，香港人窮？應該只是一部分人吧，我更傾向的說法是，我們都選擇留港消費，這可是一種精明的表現啊！「我有個老友就慘囉，早幾個月先頂咗間東莞場做，估都估唔到生意咁差，佢之前喺香港同深圳都做過夜場，一早都知冇以前咁好做o架喇，但頂手費平，有人肯廉讓，點計條數都有得博吖，點知咁就中咗伏，個個月揩，依家佢哋仲諗緊點搞呀！」