大波科文 捉蛇王
香港嘅地盤工作一向都係男人嘅天下，就算係坐寫字樓嘅科文職位，都好少有女人做。但美國就唔同，唔止有女人做科文，仲要性感到死，對波大到嚇死你！請佢坐呢個位，就係想班工友精神一振，等佢哋開工時打醒十二分精神！
逼工人飲奶
呢批「大波科文」，其實係一間建築公司特別為咗地盤工人嘅安全而請嘅！事關大部分嘅工業意外都係因為疏忽大意而引起，所以公司就諗到條橋令工友喺工作嘅時候，打醒十二分精神。
老闆認為係男人見到大波靚女，精神都會為之一振，一定唔會瞌眼瞓，釀成工業意外。而「大波科文」仲有職務在身，就係專捉鍾意蛇王嘅工人，用對大波嚇醒佢哋之後，仲要捉佢入辦公室逼佢飲奶，等佢精力充沛咁樣出番去做嘢！不過我懷疑班工人會唔會掛住（目及）反而做嘢唔專心，仲易出意外呢？