世界波：男想快 女愛慢 性愛大不同

男人一向鍾意「長驅直進」，女人就喜歡「逐漸升溫」。好多男人性愛後好快就倒頭大睡，女人卻總想再來點「甜品」先入睡。兩性之間總是存在着不少矛盾，導致性愛出現不和諧情況。美國情感問題專家約翰．格雷嘅暢銷書《男人進臥室向左，女人進臥室向右》中提出咗一啲重點，絕對值得男人深入了解一下。

約翰．格雷提議男人要懂得適當地減速，稍微控制一下自己嘅衝動，動作比平常溫柔一點，話咁就已經可以令女人快感倍添，甚至令佢哋更易達到高潮。如果想得到性福只係咁簡單，咁樣係男人都應該學啦！

學習適當減速

對男人嚟講，性愛係一種釋放雄性激素嘅過程，佢哋對性嘅滿足同壓力釋放係有相互聯繫嘅。所以男人一旦興奮起來，就會不由自主咁加快步伐，甚至希望女人同佢一齊加速添！

可惜女人卻剛好相反，無論生理還是情感上，都較喜歡動作溫柔嘅男人。佢哋希望男人充滿柔情蜜意，慢慢咁勾起自己嘅性慾，更希望男人能夠深入地了解自己嘅需要，感受自己嘅慾望。所以男人只要懂得喺興奮時，適當地減慢速度，就能更深入體會女伴嘅需要。

不要直接刺激

有技巧嘅男人會先刺激女人最唔敏感嘅部位；而有技巧嘅女人則會首先刺激男人最敏感嘅部位，呢個就係男人同女人喺床上最大嘅分別。專家認為一般女人喜歡男人以調情嘅方式撫摸，逐漸引導男人去自己渴望被撫摸嘅部位，所以如果男人願意喺呢部分花時間，女伴就能更快進入狀態。

不過當男人性慾被激起時，往往都會對時間判斷產生誤差，才過咗1、2分鐘，就以為自己已經做咗15分鐘前戲，急急入正題，所以女人想爽啲嘅話，不妨主動提點。

互相溝通配合

由於生理原因嘅差異，想令女伴更快進入狀態，達到高潮，男人可以通過延緩速度、變換體位、輔以深呼吸等方式，進一步延長性愛時間。但時間嘅長短就因人而異，要透過溝通同磨合，先可以搵到雙方都覺得舒服同合適嘅時間。性愛係冇一個特定嘅時限先至算理想，千祈唔好自以為愈耐愈好，結果搞出個大頭佛。