發揚莞式服務
收到風話東莞夜場來年會大展拳腳，吸納更多「股東」發大嚟搞，一位東莞骨場資深經理對我話：「阿爺話要加大內需嘛！咁我哋咪做多啲自己友生意囉！明年我就會被派去遠啲嘅地區做開荒牛。」經理嘅意思係指東莞不少夜場已企穩陣腳，要鬥嘅就向內陸殺上去，好似廈門、福建、江西、湖南及貴州等地先至搵到錢喎！玩到咁揚唔怕被封殺咩？經理話：「點會唔驚！不過執輸仲驚囉，假如唔趁早插旗，日後好難同行家競爭，所以至會招『股東』擴充營業。」
照咁估計，女源必定會被分薄晒，「花街」美譽咪會名不副實？經理表示：「目前好難講，其實骨友都發現近年開始我哋都唔太着重港客，皆因講闊綽點都唔及內地客，有錢嗰啲一次過包三個囡囡入房，點玩冇人知，總之佢旨在燒銀紙！」
為咗要擴大「市場佔有率」，聽聞多間夜場已積極向北走，將莞式系統服發揚光大，雖然對港客唔會有即時影響，但有經驗嘅玩家就話得快樂時且快樂，珍惜眼前囡囡喎！