斯文四眼妹騷在骨子裏

日本妹一向貪靚，就算落街買飯盒都要化行晒妝，戴埋對「大眼仔」至出門口，最近佢哋就興戴眼鏡，搞到條街突然間多咗好多四眼妹。而仔就覺得佢哋斯文得嚟，卻騷在骨子裏，吸引力大增，因此當地一間四眼妹俱樂部大受歡迎。

喺大阪有一間四眼妹俱樂部，專門招待鍾情四眼妹嘅客人，生意非常暢旺。俱樂部內所有囡囡都戴上一副眼鏡，不過，佢哋唔一定有近視，只係為咗討客人歡心。

變身小野貓

至於日本仔點解咁鍾意四眼妹呢！其實都係一字咁淺，喜歡佢哋有份斯文氣質，唔似得其他囡囡咁重風塵味，所以好多去俱樂部玩嘅會員，都係鍾意斯文大方嘅囡囡，點知上到床之後，囡囡除低眼鏡就變成小野貓，表現豪放，令人玩得刺激又過癮。會員亦可以要求囡囡唔除眼鏡，一邊砌一邊睇住囡囡個眼鏡Look，滿足個人慾望。

頻頻換鏡款

俱樂部嘅四眼妹平時經常留意潮流動向，一兩個月就要換一次眼鏡款式，保持新鮮感之餘，仲要追上潮流，咁先可以令客人食過翻尋味。佢哋面上嘅眼鏡就等於其他Club女嘅低胸裝一樣，事關會員揀囡囡除咗睇身材同樣貌外，更會睇佢哋副眼鏡靚唔靚，如果唔啱口味，就算係大波妹都一樣坐冷板櫈。