飽肚的玩具

第二晚，我決定主動解開呢個心結，因為今晚係Ladies' Night，我知道以佢咁為食嘅男人，一定會再出現。果然未夠12點，我已經見到5呎5，佢好驚喜可以再次遇上我，佢當然唔知我有心製造呢場再遇嘅戲碼。佢又再次用一對充滿電力嘅眼睛同我傾偈，好快我哋又飲到面紅耳熱，再加上佢喺我耳邊不斷細聲講大聲笑，令慾火更快升溫。

鏡頭一轉，我哋已經赤裸裸喺床上，對於佢嘅功夫同埋尺寸，我真係唔想再次詳述，惟有簡潔咁表達─佢呢晚令我嚟咗4次，真係飽到上心口，甚至可以成個月唔食都得。我終於知道佢有咩咁令我神魂顛倒，原來係呢份飽肚感！

我一邊沖涼、一邊回味呢份飽肚感，心情輕鬆愉快，穿戴好之後望一望錶，原來只係凌晨3點幾。佢問我點解唔過埋夜先走，我望一望佢，報以一個好輕鬆嘅微笑，都係決定離開。其實有時候，男人同女人都一樣，好容易畀性愛迷惑咗，就好似細路仔見到心愛嘅玩具一樣，一定要立即擁有，然後日玩夜玩，直至生厭都唔捨得送畀人。我諗眼前呢件玩具，應該會成為我嘅心頭好，但佢始終都係一件玩具，而我亦已經唔再係細路仔！

我離開酒店嘅時候，街上面好冷清，的士都唔多架，但係感覺一啲都唔危險，反而有一份日間冇嘅寧靜感。我沿住大街行，好快就有的士經過，我揮一揮手，上咗的士直奔回家。呢一晚，我冇再回頭，亦冇胡思亂想，久違嘅甜睡又再一次出現……（待續）

Lady Barbara

某大公司高級行政秘書，年齡係秘密，蒲齡更加無謂講，向以獵男為己任，志願係嫁個有錢人，日日行街Shopping、High Tea做Facial，早日脫離打工行列。