世界波：讀懂女人心 慾火唔降溫

平安夜一向係男人示愛嘅好時機，如果你都想過一個火辣辣嘅平安夜，除咗要懂得製造浪漫氣氛，買禮物冧女伴之外，仲要懂得閱讀女人嘅慾火指數，咁先可以準確出擊，狠狠將女人內心嘅慾火燃起。性慾高漲咯，自然如魚得水，玩得更Happy！

女人挑逗男人往往比男人挑逗女人來得容易，因為女人嘅慾念好多時都係發自內心，而男人就可以隨視覺、聽覺或觸覺嘅刺激而硬起來，所以挑逗女人，一定要先從心理着手，繼而作出觸覺上嘅挑逗，咁就萬無一失。

第一步 輕鬆心情

現代女性大部分都需要出外工作，生活壓力絕對不比男人小，所以男人應該學懂喺適當時候，細心關懷女伴，了解佢嘅工作難題，聆聽佢嘅抱怨。如果有能力將呢份怨氣化為笑聲，一定可以逗得女伴十分開心，呢個就係打開女人慾火之門嘅鑰匙。所以男人千萬唔好忽略咗歡樂氣氛，冇輕鬆愉快嘅心情，女人係唔會想做愛嘅。

第二步 愉快氣氛

一頓愉快嘅晚餐，對男女嚟講，其實都係一個好好嘅調情前奏，因為除咗食物本身可以令人愉快之外，雙方喺晚餐中嘅情話，都可以令女人樂上半天。所以男人一定要喺晚餐時段，盡情發揮自己嘅口才，將話題圍繞喺情情愛愛之上，甚至於用餐中提出性愛要求。反正大家都咁熟，唔使怕醜啦！咁樣嘅話題加氣氛，好容易就會將女人嘅性趣提高，令佢產生同你做愛嘅慾念。

第三步 埋身挑逗

一對情侶喺家中相擁起舞，播住浪漫醉人嘅音樂，係女人都會覺得陶醉，再加上之前一頓愉快嘅晚餐，毫無疑問，女伴喺呢個時候已經如箭在弦，體內慾火升溫。所以男人喺呢個時候，就要展開適當嘅身體接觸，出其不意嘅撫摸，溫柔中帶點挑逗嘅搓揉，都係一場激戰嘅前哨。女伴畀你摸得兩摸，隨時已經按捺不住，主動出手還擊，甚至出埋口術。因為女人嘅慾火一旦燃起，就像江水般川流不息，到時你想唔做都唔得呀！