掛單援交
報道指日本女性平均每200人中有1個拍AV，少留意色情行業嘅或會感到驚訝，但中港爸打一定覺得好濕碎，單係去年南下東莞做囡囡嘅數目，粗略估計已超過10萬人，明年嘅數目肯定仲會增多。有爸打話仲未計近年內地興起嘅援交妹，大膽講係10人中有1個援交！誇張？我認識幾位雞頭，近年業務開始轉型，由以往帶囡囡到髮廊同骨場開工，家陣只係安坐家中等「柯打」，雞頭話：「依家內地嫖客多過港客，佢哋多數上網搵囡囡，而我手頭上有多個囡囡都未見過面，因為佢哋都係透過網上掛單，由我代接客，從中抽佣。我唔知現時市場上有幾多援交妹，但相信10個人中有1個曾經做過援交。」另外，我認識多位女大學生，佢哋都不諱言唔介意援交：「只要客人五官端正、外表乾淨、床上態度唔粗魯，咪當一夜情咁玩囉！」幾開放！