馬拉松式高潮 Ready, Go!

美國密歇根大學有位醫學博士最近發表咗一份調查報告，指當地男女只有不足2成女性有性高潮，超過3成婦女更有性慾低落甚至被冷感困擾。不過呢個唔係重點，重點係報告中有教大家如何掌握5大刺激男女性慾方法，令你可於4星期內重獲高潮。而美國性愛達人Sarah Gibson不約而同於網上教授如何獲得馬拉松式高潮，男人唔學點得先！

坊間自稱性學專家何其多，但學似Mark A.Moyad博士咁開Blog同大家分享性學知識，公然踢爆同行性謬誤，都算係第一人。今次佢再度「發功」，發表報告指出鮮為人知嘅天然保「慾」法，就算停經女士都能夠馬上回春咁話！

而另一位性愛達人Sarah Gibson同期亦於網上分享「馬拉松」高潮秘笈，細佬就綜合咗兩位專家嘅意見，教吓大家有咩方法可以令高潮如泉湧。

注意飲食

根據Mark A.Moyad博士指出，要維持性慾正常水平，平日可服用一種叫ArginMax嘅綜合維他命，本來係專為重振男士雄風而設，但其後發現對女性亦有提升興奮、慾望及性高潮效用。而最新臨床研究則發現女士每日服用3克人參，亦有助保持性生活頻率。

至於Sarah Gibson則指出一般人錯誤認為酒精可以助性，查實酒精往往會令男女性慾快速下降，酒醉時的疲倦感亦會破壞性愛質素，令平均1小時嘅性事急減至15分鐘內完成，唔想掃興就要即戒！

調情按摩

和暖嘅按摩油能有效提升敏感度，尤其當按摩敏感部位時則最明顯，當中某品牌嘅天然有機按摩油功效最顯著。而Sarah就表示，男性之所以太快到達高潮，係因為冇控制床事級別，佢認為男人開始性愛時要盡量避免敏感部位同對方有接觸，應先主動刺激伴侶進入狀態，然後至互換角色，情慾按摩正係最佳選擇，既可以放鬆心情又可以有充分時間喚醒性機能。

矽性潤滑油

一般嘅潤滑油多數只分水性及油性，但原來最好用嘅潤滑油係矽性，因為佢遇水唔會溶解，而且能保護肌膚，令進入時可以更順暢，就算喺冷氣下能使用亦有極佳嘅長效潤滑效果，更可配合安全套使用，但不能與矽膠性玩具同用！Sarah則認為潤滑油可有助發揮性愛創意，而喺矽性潤滑油滋潤下，只要性器官摩擦到對方身體亦會產生快感，令性愛過程更享受。

改變生活習慣

Moyad博士話成年人每日做30分鐘或以上帶氧運動，於飲食中盡量攝取Omega-3，都有助改善性慾。而遇到性困擾時，佢建議應搵專科性醫生傾訴，因為性慾低落往往由心理困擾引致，一般壯陽藥物未必幫到手。

而Sarah就提議大家試試挑戰高潮極限，除預備性玩具外，雪糕、蜂蜜、朱古力醬及奶油都可以變身性愛調劑，輪住嚟玩，往往有意想不到嘅效果。