世界波：長途性戰Check Point有4點

好快就到聖誕假期，大家係咪已經諗定節目同愛人浪漫過節，再順手籌備埋晚間嘅性戰重頭戲呢？喺呢三日假期所進行嘅房事，大家會希望重量不重質，還是質量兼備呢？如果係後者，敬請留意以下四項重點，做得到一定能令你成為長途性戰高手！

近一年來，小弟工作繁忙，真係食不知味。幸好我尚未結婚，否則身心俱疲嘅我，返到屋企仲要向老婆交功課，咁就真係做到斷氣喇。適逢未來嘅聖誕節假期有三日咁多，小弟正準備搵一日外出溝女，一日休息，最後一日則相約新女出街，睇吓有冇機會發展出超友誼關係。至於已有伴侶嘅朋友，應該同小弟一樣，希望於聖誕節假期當中，能夠放鬆自己，盡情又暢快咁享受房事。咁就啱喇，一於同小弟參詳一下以下嘅房事要訣，做好準備進行一次長途性戰，令對方驚喜一番！

1：營養飲食

正所謂「三軍未動，糧草先行，一架車就算副偈幾勁，冇入油一樣係廢車一架。所以如果想大振雄風，作長時間性戰，必須吸收足夠營養，令自己可以發動源源不絕嘅抽送。

之不過，吸收營養唔代表過分進食，食多咗反而令身體忙於消化食物，繼而影響表現。所以決戰前夕，午餐可食個沙律，晚餐就食精瘦而含高蛋白質嘅肉類，例如雞肉同魚肉。此外亦要多飲水，因為長途性戰會令身體流失大量水分，如果可以於床邊放支水，中途飲用就更好，期間仲可以畀細佬抖一抖添。

2：慢慢抽送

男人唔似女人咁可以一晚獲得多次高潮，再威嘅男人通常只係3次就收工，所以決戰期間最緊要控制自己咪過火，若然玩得興起，情不自禁咁瘋狂抽送，只會提早完事。緊記，性戰唔使鬥快，慢慢抽送再多換體位，俱有助延長洩射時間。另外，知道自己就快爆發，都可以停一停，轉而用口技刺激對方，一定會令Honey更冧。

3：大量潤滑劑

潤滑劑除咗可以幫助身體唔夠分泌嘅女性，享受愉快嘅性戰，仲可以令男士覺得交歡更加過癮，甚至「慾」罷不能。要進行長途賽，潤滑劑一定要用，即使安全套有潤滑成分都好，甚至女伴好似潮吹天后紅音螢咁時刻都可以爆發出大量泉水亦好，都應該用潤滑劑嚟令交歡時更安心舒暢，就算做夠一粒鐘都唔怕啦！

4：激烈玩意

長途賽雖然可以凸顯雄風，但不停抽送完再抽送，好易出現悶場。呢個時候，就要拎出事前準備好嘅激烈玩意，例如震蛋、震棒，甚至係輕巧嘅SM道具，又或者相對冇咁重口味嘅朱古力汁，咁就可以於長時間抽送中轉換玩法，一來令細佬放鬆，二來又可以令賽事更多元化，何樂而不為？