世界波：性愛In and Out至Hit玩懷舊
潮流這回事，從來都離不開循環二字，就像近幾年大吹Retro風，阿媽年代的幾何圖案、波點、格仔成為潮人至愛。其實除了時裝界講潮流，性愛亦一樣，近日有美國權威成人雜誌，集合咗十幾位性學專家意見，分析出未來兩年人類對性事嘅In and Out，結果竟然有唔少都回歸原點玩懷舊。
呢啲專家提出嘅In and Out，睇真啲，其實都係物極必反嘅道理。經過金融海嘯洗禮後，再加上近日嘅歐債危機問題，基本上全球人類都開始學懂由燦爛回歸平實，就連性愛亦一樣，毋須太花巧！
Out 高難度體位
從前經常睇見四仔片內嘅男優，運用超強體能及性技巧，做出各樣雜技式高難度動作。對觀眾嚟講，的確幾養眼，但專家話呢類高難度動作已經開始被嫌棄，原因係花巧之餘，並冇為男女帶來更大歡娛。
In 傳統姿勢
取而代之嘅，係傳統姿勢，無論係傳教士式、後進式、側入式等，總之最基本、最舒服嘅性愛姿勢，就最為受落，原因係大部分人經過多年嘅花巧招式之後，終於明白返璞歸真嘅快樂。
Out 規律做愛
坊間各大小性愛調查報告，經常強調唔同國家國民嘅做愛次數，又或伴侶間每星期嘅做愛頻率等等，令好多「落後」地區嘅民眾立時緊張起嚟，驚死自己嘅做愛頻率唔達標。其實做愛頻率邊有準則可言，凡事順其自然更佳。
In 想做就做
現代年輕人奉行想做就去做，所以最近連某大型家具店嘅陳列梳化上，都有對小情侶喺度激咀互摷，親身示範乜嘢叫「想做就做」！只要唔騷擾到人，有時興之所至就不妨隨時開波，好過計住度住冇厘情趣啦！
Out Cyber Sex
無論任何年齡嘅男女，都應該試過喺網上認識新朋友，仲有好多人經常喺網上獵艷，玩虛擬性愛。不過近年Cyber Sex好似慢慢退下火線，對住個Cam玩自摸，一嚟容易畀人錄低罪證，二嚟如果對手身形不佳，睇完已經冇晒Feel，仲點起頭？
In 電話性愛
相對Cyber Sex，早年曾經勁Hit嘅Phone Sex，近日卻有回歸迹象，隔住聽筒大講挑情性話，聽得到但睇唔見反而可以有更多幻想空間，而且銷魂嘅聲線，往往係最佳嘅催情劑。
Out 丹麥光雞
唔少外國艷星都鍾意將下體毛髮全部剃掉，俗稱「丹麥光雞」，一來比較衞生，二來亦可以睇得清楚啲。不過對中國人而言，呢類白虎女係男人嘅床上大忌，所以隨住祖國愈來愈強盛之際，「丹麥光雞」注定冇得留低。
In 有型三角區
潮人衣着打扮要有型有款，近年更興起釘乳環、「唇」環，而繼穿環鑲珠後，依家最興就係為三角位修剪毛髮，有人會特登設計圖案跟住剪，甚至做埋Color，務求令全身上下都咁有Style！