世界波：偽裝野戰唔怕差人拉

成日對住同一個床上對手，其實真係幾悶，唔怪得咁多男人沉迷AV，幻想同AV女優纏綿，以刺激自己嘅性慾神經啦。至於部分生性大膽嘅朋友，為咗增添床上新意，則會帶埋女伴打野戰，最方便嘅當然係揸到邊砌到邊嘅車震啦。

家陣好多男人都疊埋心水做王老五，唔係因為女友難搵，亦唔係因為結婚擺酒花費大，而係唔想床上對手只得一個咁悶！不過有對手點都好過用自己雙手，將就吓咪算囉，你估你老婆又好想對住黑口黑面嘅你咩！外國人喺呢方面就識諗好多，即使只得一個床上對手，都可以靠轉換性戰場地嚟增加刺激同新鮮感。

車震樹搖

根據美國一個情趣用品銷售網站最近嘅調查發現，近1,000名受訪者當中，有52%嘅人試過打野戰。至於野戰地點得票最高嘅係汽車（80%），其次係樹幹（55%）、公園（44%）、沙灘（42%）、辦公室（25%）等等，仲有2%表示試過坐的士嘅時候於後座交歡添！嘩！揸揸吓的士有真人騷睇，容乜易High到撞車o架！

重燃激情

睇到結果之後，網站嘅性學專家Dr. Kat Van Kirk就對此大表興奮，因為喺戶外交歡有助伴侶重燃激情，而網站嘅銷售主管Chad Davis亦對此表示欣慰，仲話好高興見到咁多人鍾意嘗試新鮮嘅行房地點喎。小弟雖然都覺得幾過癮，不過就反對大家效法，事關打野戰乃違法行為，搞到坐花廳就無謂啦。

若然真係咁想玩，小弟仲有兩個偽野戰良方，可以畀大家安全地享受野戰之樂。

模擬駕駛

調查結果話最多人玩野戰嘅場地係車廂，皆因美國幅員遼闊，揸住架車求其搵個僻靜地方就可以嚟個激烈車震。不過，香港人多地少，就算上到車震熱點飛鵝山都有可能撞到啲無聊人「照田雞」，又或者警察巡邏，倒不如買Set賽車遊戲專用嘅套裝，外加一個皮Seat，喺屋企模擬一個車廂出嚟，再用電視播埋遊車河畫面當前奏。既簡單又方便，而且仲可以趁機叫女伴批准自己買埋部遊戲機玩賽車Game，一舉兩得。

草皮大戰

得票第二同第三高嘅係樹幹同公園，呢兩個地點我覺得比起玩車震更危險，前者可能會玩到跌落地引致骨折，後者就算唔惹蚊都可能惹鬼。其實要模擬出呢種場景絕對唔難，只需買一大塊仿真草皮，再鋪於大廳，扮成一片草地，如果可以的話，可以加多少少花朵以及帶木紋嘅物件。另外，仲可以播埋大自然聲音嘅音樂CD，於雀鳥、風聲陪伴下進行激戰，零舍好Feel。