愛滋妹疑雲
聽到世紀絕症，即使你係鐵漢都會心生畏懼。有夜場玩家表示，早排東莞夜場傳有愛滋妹出現，喺網上討論區更有人Post咗呢位囡囡嘅相片及個人資料，甚至連職號都有埋，嚇到港客唔敢入場玩。而經過調查之後，夜場負責人就話呢件事其實係無中生有，實情係囡囡欠下賭債，因為冇錢還，又人間蒸發，結果債主喺網上造謠譭謗，令佢以後都冇得喺夜場搵食。夜總會經理話：「呢個囡囡好紅o架！一星期只返兩晚工，點知搞壇咁嘅嘢，累到夜場少咗好多生意。經過呢件事之後，我哋要請個IT，負責每日24小時(目及)住各大網站，一有唔妥就要諗對策，免得到時愈傳愈激，畀囡囡玩死個場呀！」