嫩模特工 之 三狼教女

自從內地經濟蓬勃起來之後，香港有不少人都北上搵食，最終更同內地女子結緣，組織家庭。阿雞都係其中一個，佢被公司派駐上海，三個月先返香港一次，基本上已經係半個內地人，不過佢早已在香港結婚生仔，老婆又唔鍾意到上海生活，惟有兩邊飛做太空人。佢老婆都知道內地好多誘惑，阿雞雖然一向紀錄良好，但係佢一個人喺上面咁多機會，遲早會出事，於是老婆亦考慮移居上海，希望可以（目及）實老公。

色膽包天

不過阿雞呢兩年自由慣，佢當然唔想老婆上嚟阻頭阻勢，事關佢同幾個單身男同事，早在一年前已組成一隊嫩模特工隊，公餘時間一齊出去獵食，玩到不亦樂乎，一旦老婆上埋嚟，咪要從此退黨？佢真係冇咁笨！

周五晚上，阿雞同埋兩位滾友幫成員早已約好，選定咗一間近日有二、三線嫩模出沒嘅酒吧！三人兩杯到肚，就色膽包天，見到省鏡嘅女仔就口花花，三人只花了一個鐘，就釣上咗兩個嫩模，於是五人一齊出去食消夜，一邊食、一邊再飲。

無力反抗

坐低冇耐，五人已經飲到啤啤夫，語無倫次之餘，更開始動口又動手。阿雞對其中一個嫩模施展揸波龍爪手，見嫩模冇乜反抗，之後更進一步狼吻起嚟，嫩模雖然有啲反抗，始終係公眾地方，但因為酒力發作，自己都有啲性起，半推半就之下，兩人愈咀愈大膽，阿雞更伸手入嫩模件上衣內亂摷。其餘兩個老友見阿雞如此猖狂，於是有樣學樣，夾攻另一位嫩模。該嫩模見勢色不對，奮力反抗然後逃跑，剩下三個色中餓鬼和一個嫩模，這時候，嫩模已經畀阿雞搞到慶合合，無力再反抗了……（待續）