世界波：Sasha Grey教路15分鐘激情短敍

15分鐘話長唔長、話短唔短，用嚟等車、沖涼、發白日夢，話咁快就過。不過前脫星Sasha Grey就話，與其白白浪費15分鐘，倒不如享受一段銷魂無比嘅性愛仲好。15分鐘夠用咩？Sasha拍心口話一定冇問題喎！

於2006年出道嘅Sasha，今年4月宣布息影，但係人氣依然高企，除咗因為樣靚身材正之外，佢亦係四仔界少有嘅才女。唔單止喺今年3月推出有關性愛技巧嘅新書，更出埋個人音樂專輯，名副其實嘅有「Sing」有色。早排佢就喺其博客度，同大家推介15分鐘性愛技巧，前中後戲有齊之餘，仲包保可以令人回味無窮。

燃情前奏 8分鐘

只得15分鐘曳曳，時間已經唔算多，點解仲要花一半以上嘅時間嚟做前戲？Sasha解釋，一次美妙嘅床戰，前奏必不可少，仲要識得針對男女雙方嘅敏感帶進行愛撫，同埋配合言語挑逗。

Sasha總結佢多年嘅床戰心得，發覺想挑起男士戰意，只要針對佢嘅重要部位出擊就得。相反，想讓女伴慾火焚身，除刺激敏感帶外，必須加上言語刺激，淫語、讚美說話、又或分享自己嘅感受，都可以迅速令女伴亢奮。

女方主動 4分鐘

當男女雙方都已經進入極度亢奮嘅狀態，就要把握時間入正題！好多男士喺呢個時候都會按捺不住，擒住囡囡瘋狂揮動兵器，但Sasha話應該畀女方先做主動，等佢騎番4分鐘牛牛，或者玩其他由女方主導嘅花式。

Sasha解釋，就算女性嘅情慾相當亢奮，但要佢哋到達高潮，仍然要一段時間Warm Up。如果由佢哋先做主動，不但更能掌握埋牙節奏，令佢更易到達極樂高峰之餘，同時亦可以玩得更加投入。

男方激情 3分鐘

畀囡囡騎足4分鐘，縱然自問係床上持久王，相信都已快到爆發嘅臨界點，Sasha認為呢個時候男方可以攞番主動權，透過激烈嘅衝擊直奔終點。

點解要男士守尾門呢？因為根據數據顯示，男士由靜止到爆發，平均只需3分鐘，加上此時男性嘅兵器已經變得相當敏感，配合埋激烈嘅衝刺，好快就能夠發射升空。

不過Sasha補充話，佢所提出嘅15分鐘曳曳方法，只可作為參考，時間長短可以由自己掌控，視乎臨床情況而定。當中有啲人10分鐘已經足夠，有啲人則要多少少時間，最重要係睇吓自己能否享受當中過程。