改頭換面

最近在澳門被一位夜總會老闆邀請去「了解」他們的小姐房運作，最主要是他想我和一位任造型設計的朋友見面，可以給他旗下的化妝師、髮型師一點意見：「澳門夜場啲囡囡咁多年都係咁嘅樣，根本就冇乜點變過，唔好話外面世界早就變晒啦，就算係我哋夜場生意都翻咗幾翻，有乜可能啲女淨係成日換制服，唔使換妝換髮型o架？」言下之意，就是他對駐小姐房的造型師不滿意了。

要給他意見，當然要先了解他們的運作，原來澳門夜場小姐房的化妝工作都是外判的，就是一到囡囡的上班時間，那些化妝師、髮型師就會駐守現場，我看他們三、四個人在兩、三小時內要完成動輒上百個囡囡嘅化妝同髮型，單單是要「及時」完成，已經是一點也不容易了。「個個女都想快，有時真係畀佢哋催到頭都暈，做法同外面唔同o架！點解班女咁心急？邊個做完邊個就可以坐枱先喎，正式係時間就是金錢呀！」一位化妝姐姐跟我說。將囡囡做分流不是可以讓他們的工作時間更充裕嗎？「邊有女肯早啲返工o架，遲到嘅就大把囉！」看來，要幫囡囡改頭換面，還有很多制度問題要解決。