嫖客斷正畀錢甩身
嫖客被執法部門「行政拘留」係咪可以畀錢甩身，小弟就唔清楚喇，但我就聽聞有雞頭同執法人員互相勾結，向嫖客屈錢。話說廈門有髮廊雞頭趁黃金時段，客人逼爆房嗰陣封舖，然後有疑似執法人員嚟掃蕩，表面上在場男女全部都拉晒，但只要嫖客肯畀錢就可以甩身。有玩家表示，呢啲髮廊雞頭其實同人合謀，每次趁最多客人嚟幫襯嘅時候進行掃蕩，嫖客即場斷正後，為咗甩身，惟有選擇畀錢解決。玩家話：「大部分髮廊都有勢力人士撐腰，除非大時大節洗太平地，否則好少刻意進行掃蕩。但近排經常有幾個穿着制服嘅疑似執法人員喺傍晚時分進行掃蕩，嫖客連褲都未着好就要拉要鎖，呢個時候雞頭就會扮晒嘢出面調停，最後嫖客惟有乖乖就範畀錢。」
據知嫖客要畀五千至一萬元人仔才可以甩身，有時佢哋甚至連嫖客身上嘅貴重財物都掠埋，雞頭做一日嘅生意都未必有咁多收入，認真和味！