世界波：自我醜化脫星勁賺

美國零舍多研究報告，真真假假只有行內人至知！今期德州有經濟學教授報稱用20年時間研究美貌對賺錢能力嘅影響，結果發現型男索女比其貌不揚嘅人，一世賺多接近180萬港元，經已夠你買層屯門樓啦！但細佬就認為報告極不可信，事關美國四仔界，唔少脫星都玩自我醜化，賺錢能力反而比巨咪索脫星多幾倍添！

查實報告都好客觀嘅，經濟學教授哈默梅什（Daniel S Hamermesh）根據人類臉孔對稱程度、臉部表情以及同名人相似度作標準，釐定男女係咪靚，報告仲指出型男索女會比平常人開心，可以較低利息獲得銀行貸款，同搵到高質素伴侶，你話上天幾唔公平呢？

細佬就唔信邪嘅，索女脫星人人歡喜，無奈再正都有睇到悶嘅一日，相反玩醜化市場少有，而且玩得夠激仲表現出你有超凡魅力，睇睇以下幾件鍾意玩醜化嘅脫星，扮得愈醜，愈有勢！

Lexi Belle醜女教主

出生日期：1987年8月5日

三圍：32C-24-33

身高：5呎3吋

Lexi Belle係四仔界嘅醜女教主，皆因佢係第一個以小丑造型拍寫真嘅脫星，自此阿妹定時定候就畀驚喜大家，仲一次比一次激。除咗臉部化妝，連床戲都要玩到污糟邋遢！話雖如此，網友就覺得被醜化後嘅Lexi唔止唔討厭，仲有種可愛感覺。阿妹更憑醜女角色，分別喺06、08、10年攞過大小脫星獎，今年攞埋2011 AVN 「Best Supporting Actress」，未知係咪同阿妹為脫星界貢獻良多有關呢？

Aiden Ashley惡女上身

出生日期：1990年2月28日

三圍：32C-25-33

身高：5呎6吋

啱啱由Adult Model轉型做Pornstar，青春「慾」女大好前途，但阿妹居然醜化自己拍寫真，變身為超醜惡女。咁都唔止，Aiden再下一城拍埋四仔，嘩嘩嘩！外界以為阿妹超趕客，點知影迷勁Buy，大讚形象夠激又有型，係四仔界嘅Lady GaGa喎！有冇咁誇呀？

Audrey Bitoni糟蹋自己

出生日期：1986年8月16日

三圍：34DD-23-33

身高：5呎4吋

一對「孖D」奶係Audrey Bitoni嘅個人標記，但阿妹話唔甘心外界只聚焦喺佢對奶而忽略佢嘅超凡性技，因此早於08年就應成人網站Juliland之邀接拍超醜寫真及喺污糟邋遢公廁內拍自摸四仔，誓要證明自己唔賣「架生」都咁掂！細佬有幸欣賞過，過程的確超淫蕩，但個人認為都係大波索女好睇啲囉！

Draven Star愈醜愈潮

出生日期：1990年7月1日

三圍：34B-22-32

身高：5呎3吋

冇身高、冇身材，冇性技，身為「三無」脫星嘅Draven Star仲要玩自我醜化，莫非佢係傻嘅？非也，查實阿妹初入行時純到冇朋友，男女都唔敢搞佢，結果佢畀Punk Porn Rock界嘅大家姐Joanne Angel睇中，邀請佢玩激女路線，有前輩指點自然得心應手！Draven更謂脫星愈醜愈潮，紋身愈多愈激， 佢喺個名上加「Star」字，寓意自己係明日之星。醜女自信十足，問你點頂！