多才多藝嘅水着女星吉木莉莎，近年除咗忙於幕前嘅影視演出外，最近獲出版社小學館邀請，拍攝咗佢嘅最新寫真集。今次出版社為咗隆重其事，仲搵嚟寫真大師矢西誠二親自操刀，將吉木重新包裝，一改以往美少女嘅形象，將成熟同感性嘅一面充分喺鏡頭前展示，睇過嘅網友都讚不絕口，話吉木每個造型都好性感，其中有部分仲喺溫泉區取景，真係人靚景正。出版社仲特別將拍攝花絮輯錄成DVD隨書附送，想睇埋吉木有聲有畫嘅演出，就要買番本喇！
售價： ¥2,625（約HK$270）