男人必學 高潮拆彈術

美國色情網頁進行過性高潮調查,發現每10個美國婦女中就有4個出現性高潮障礙,對於呢類女性嚟講,性障礙嘅陰影間接影響咗佢哋自身優越感同埋健康。所以,高潮固然係人間極樂嘅享受,但係萬一遇上對手唔配合,仍然要刻意追求的話,往往會令自己陷入求而不得嘅痛苦境地。

男士們一旦發現女伴有高潮障礙問題,千祈唔好以為係小事,佢哋隨時會引發其他情緒病,唔止影響正常嘅性生活,仲會影響埋女伴嘅日常生活,所以男士們,一定要聽聽以下專家嘅建議,同女伴一齊解決性高潮障礙嘅問題。

勿視為終極目標

專家建議

正常情形下,如果女伴嘗試過完美嘅性高潮後,就會忍唔住對每次性愛都有期望,但性愛就好似任何運動一樣,唔一定每次落場都可以處於高峰狀態。有時可能係對手出現了功虧一簣嘅情況,有時無論對方點樣努力,你自己嘅身體都好似無反應咁,結果無高潮之餘,仲會令雙方都感到掃興。

其實性愛係一個整體概念,而高潮只是其中一部分,如果任何一方將高潮當作終極而唯一嘅目標,就會喪失性愛最美好嘅部分。另一方面,不妨同伴侶一齊檢視性高潮不再嘅原因,睇吓係心理定係身體健康嘅問題,男方當然有責任去了解同埋關懷,搵到原因先可以對症下藥。

性愛生活要求變

專家建議

性愛可以帶畀人激情同埋活力,但如果次次進行都有特定嘅時間、地點的話,激情同活力最終都會因為缺乏變化而消失,所以好多時出現高潮障礙嘅女性,都係性生活太有規律同刻板,搞到做愛變成例行公事,試問咁樣又點可以擦出高潮火花呢?

遇到咁嘅情況但又不能改變,可嘗試轉攻敏感點。每個人身上嘅敏感點,可能每天都有差異,尤其女人,可以隨當天嘅情緒同興致影響,令到敏感點有少少改變都唔定,所以男方一定要注意,唔好試過一次令女方高潮迭起嘅方式,就以後沿用同一套模式,身為性愛主導角色,一定要有創造性,先可以令女人高潮源源不絕。

鼓勵表達訴求

專家建議

男人經常喺床上採取主動,係一種好傳統嘅性愛方式,但係女人其實偶爾也可以作出主導,因為男人好樂意讓女方上床之後,變成一頭猛獸,將佢吞入肚中。所以男方一定要鼓勵女人喺床上表現狂放啲,唔使驚男人會被嚇怕,相反更可以喚起自己嘅慾望,令性愛變得更激情,高潮障礙亦有機會可以打破。

主動向伴侶表達自己對性愛嘅喜愛,男人不妨鼓勵女人上床後主動一啲,將平時矜持淑女嘅一面拋開,心裏面嘅壓力同埋束縛自然會減輕好多。仲要間唔中改變一下性愛習慣,嘗試新玩意同埋加入新元素,減少無謂矜持,自然會有好多意外驚喜出現。

七瀨