中女扮少女Look
內地夜總會經常都會舉辦乜乜之夜嘅活動，吸引客人嚟幫襯，但有部分活動只係賣噱頭，客人入場後至知被騙。話說有個老友早前去咗中山一間夜總會玩樂，咁啱當晚搞咗個「可愛美少女之夜」活動，老友覺得好吸引，於是佢懷住興奮嘅心情入場，叫經理安排班美少女嚟選美。當班囡囡嚟到之後，老友即時打咗個突，皆因大部分都係中女，佢哋以一身美少女戰士Look打扮，仲要擺埋啲可愛甫士，真係令人倒胃！但老友當時心諗，一場嚟到，點都要玩埋先至走人，結果佢就勉強揀咗個囡囡陪坐，點知囡囡一開聲就令佢打晒冷震，皆因囡囡用高八度嘅雞仔聲同佢傾偈，傾咗一陣，老友終於忍唔住開聲同囡囡講：「你可唔可以用番正常把聲講嘢呀？」囡囡聞言即時唔再扮聲，不過，老友已經咩Mood都冇晒，玩咗一陣佢就埋單走人。所以大家以後見到夜總會搞乜乜之夜、物物之夜，咪咁開心住，可能係搵笨o架！