國產女模：實力爆棚 李宛儀

如果你喺外國讀完書返嚟，會唔會捨棄高薪厚職而毅然投身娛樂圈呢？今日介紹嘅靚女，義無反顧入咗娛樂圈，佢就係嚟自甘肅嘅李宛儀喇！

出生於甘肅蘭州嘅宛儀，曾到澳洲嘅藍山酒店管理學院修讀旅遊及酒店管理，當佢畢業後返回老家，本來有大把高薪厚職等緊佢，但係佢冇揀到，反而選擇去北京當模特兒。同大部分模特兒一樣，宛儀先做硬照模特兒，之後就接拍廣告或者雜誌嘅拍攝工作。身高有167cm嘅宛儀，身材高挑，三圍勻稱，質素上乘，加上佢喺外國讀書，能操流利英語，遇上洋人攝影師或者廣告商時，溝通上自然冇問題，故因此而得到更多工作機會，所以入行一年多，佢就已經接咗多個名牌產品嘅廣告工作，令佢提升不少知名度。

瞓身演出

至於影視工作方面，宛儀至今已經拍過多部電視劇，雖然只係飾演二三線角色，但係佢都畀足心機，所以獲得導演同製作單位嘅賞識，相信佢咁有實力，前途必定無可限量。

除咗拍戲，宛儀拍攝寫真時都一樣表現出色，特別係拍攝性感照片時，佢一啲都唔錫身，全裸上陣亦唔介意，而且每輯寫真佢都七情上面，投入度攞足滿分，加上張張相都噴血度極高，令網友爭相轉貼，所以佢嘅人氣愈嚟愈高，睇嚟好快就可以上位喇！

李宛儀Profile

出生地：甘肅蘭州

三圍：34-23-34

身高：167cm

興趣：唱歌、睇戲