女優30再爆發
有人話「女人三十爛茶渣」，小弟絕對唔認同呢個講法，身為熟女愛好者嘅我，並唔係天生就鍾意成熟女優，而係因為佢哋保持得皮光肉滑又好身材，加上韻味誘人，先至咁得我歡心。好似今年剛剛30歲嘅水着女優小野真弓咁，仲爆發出比以前更加可愛嘅感覺添。
小野真弓2003年加入水着界，憑住可愛活潑嘅陽光形象，深得水着迷支持，繼而成功打入藝能界，拍劇之外仲唱埋歌。不過，真弓依然冇忘記水着迷，一直都有拍寫真畀大家欣賞。最近，佢推出新寫真集《Switch》，單係睇寫真集嘅封面露出度咁高，就知道真弓幾錫Fans啦！