百變女神林沫辰
藝人最怕被定型，經常演出同一類型角色，觀眾好快睇到厭。不過，要做到形象百變，亦需要好大勇氣同活力，就好似林沫辰咁。呢位90後新進嫩模，素有「百變女神」之稱，原因係佢除咗做平面模特兒、車模外，亦擔任遊戲展嘅Gameshow女郎，仲有，佢拍攝寫真嘅時候，造型多多，舞孃、宮廷女、水着女、野戰女等佢都扮過，的確係形象百變。由於佢身高5呎8吋，加上34-24-35嘅三圍曲線玲瓏，令每張寫真都極具誘惑，故出道以來，其人氣有增冇減，成為新一代宅男女神。
早前，內地一個微博舉行咗一個浴照選舉，而林沫辰就成功擊敗有宅男女神之稱嘅超人氣嫩模張馨予，可見沫辰妹嘅實力係幾咁勁！睇嚟佢好快會成為新一代人氣超模。
林沫辰Profile
出生地：上海
身高：5呎8吋
三圍：34-24-35
興趣：瑜伽