世界波：軟着陸男4大惡行

近日有好多經濟學家都擔心中國經濟出現「硬着陸」情況，好多股民對強硬貨幣政策帶嚟經濟震動感到害怕。但係根據著名安全套品牌進行嘅全球性生活健康調查發現，女人絕對唔介意男人喺床上「硬着陸」，相反畀佢哋遇上冇姿勢又唔實際嘅「軟着陸」男人就真係冇運行喇！

好多男人成日都覺得上到床，搞多啲花臣嘢就可以增加性趣。可惜好多女人唔係咁諗，根據調查顯示，女人覺得同實幹型男人上床最易有高潮，遇上花臣多嘅男人，則會大嘆倒楣。所以男人應該認清女伴嘅床上喜好，以免吃力不討好，反乞女人憎。

出閘脫腳

上床時，女人最怕就係遇上男人「軟着陸」，一出閘就脫腳，搞晒至畀成盆冷水淋熄慾火，好掃興啫。無論男人前奏做到幾足，令女人幾欲仙欲死都好，只要臨埋門前漏氣，都會令女人嬲到想踢你落床。皆因滿腔慾火無處發洩，仲要反過嚟安慰你，唔嬲就假！

花臣多多

男人上到床，想展示自己嘅雄風之餘，仲好想令性愛增添情趣，不過情趣係需要雙方配合嘅，唔可以憑單方面幻想。男人好多時就係唔知女人鍾意咩，自己又亂諗，最終被批花臣太多，唔單止唔可以增加性趣，隨時連慾火都整熄埋。

狂換體位

做愛係一種享受，唔係表演，唔係轉得體位多就最正！不過大部分男人都對AV中毒太深，以為不停轉換體位先夠勁，更易令女人有高潮。其實如果男人夠實幹，一個體位已經可以令女人攀上高峰，當然，中途轉一兩次體位都無可厚非，但轉得太多，容易出現反效果。

勁多要求

要求多多嘅男人，一般都唔太受女人歡迎，尤其是上到床，男人更加要控制自己，又要擒高又要趴低、又要口舌又要扮姣；仲要主動得嚟又純情，試問邊有女人可以集咁多優點於一身？所以女伴一旦遇上男人要求多多，印象分一定大打折扣，甚至影響性趣，想起身落床唔再搞。