猜枚黨狠招劏客
內地經濟起飛，人仔匯價急升、通脹停不了，家陣去內地夜總會玩，真係貴到飛起。有爸打話：「以往八舊水就可以乜囡都食到，但依家稍為高質啲嘅囡囡會玩海鮮價，閒閒哋千五，甚至二千元人仔一鑊，Model級嘅囡囡仲會揀客，睇吓邊個客人出得起錢，價高者得添！」咁即係玩競投啫，難怪唔少玩家都轉戰酒吧（界）拳手。不過，咪以為畀少少錢啲拳手，佢哋就會同客人去開房，有師兄話：「最毒拳手心，唔聲唔聲劏你一頸血呀！」原來有唔少拳手實情係「猜枚黨」，專門喺酒吧劏客，佢哋嘅劏客手法非常簡單，就係同客人玩骰盅，玩到高興時，佢哋就會提出「私片」賭錢，通常係一舊水一局，但其實佢哋喺骰盅度早已做咗手腳，想要乜骰就有，所以客人一定會輸清光。粗略計算，囡囡一枱客劏五、六百蚊，若然一晚劏10枱客，佢哋起碼淨袋五、六千銀，仲未計酒水拆佣，真係仲好搵過同客人去開房啦！