戀戀咖喱之圖取秘方
我之所以同美霞鬼混，並唔單純係因為佢又姣又好身材，其實係因為佢同老闆兼大廚雄哥嘅女朋友嘉怡係姨甥關係。呢個嘉怡年約25歲，由於佢之前曾經同一個印籍人士拍拖，所以得到一條炮製咖喱嘅秘方，雄哥就係為咗得到秘方而力追嘉怡。
借頭借路
雄哥成功追到嘉怡之後，二人就利用秘方煮出好味到震嘅咖喱，繼而令餐廳其門如市。不過，根據美霞透露，雄哥搵到錢之後又爛賭又爛滾，傳聞佢仲喺內地包養緊兩個女仔，所以令嘉怡相當氣憤，之但係佢仲深愛住雄哥，因此不時都會落餐廳處理大小事務。
雖然，我覺得為咗拎到條秘方而計劃去溝嘉怡，係有少少賤格，但係我咁做其實亦係畀嘉怡有多一個選擇。我同美霞完事之後，就問佢：「嘉怡幾時返嚟呢？」美霞有少少呷醋咁問：「係咪想溝佢呀？」我話：「邊度係呢！我想問吓佢，以前個印籍男友係咪好勁之嘛，我想知道好耐o架喇。」美霞扁住嘴話：「都唔知你係真定假。佢通常都會打烊之後返嚟埋數嘅。」
寂寞難耐
差不多收工嘅時候，雄哥換好衫，然後同剛剛返嚟嘅嘉怡講：「我約咗幾個朋友返大陸傾吓開分店嘅事，唔使等我喇。」講完之後，就火速離開。事實上，係人都知佢返大陸滾啦。正當嘉怡一臉無奈咁喺櫃面埋數嘅時候，其他廚房工都走晒，只剩低扮勤力嘅我。
隨後，我倒咗杯汽水遞畀嘉怡，然後話：「飲啖嘢先啦。」嘉怡冷冷咁回應：「唔該。」我又話：「雄哥真係好忙喎，成日都要返大陸傾生意。」嘉怡聽到之後顯得眼濕濕，說話夾住怒氣咁講：「個衰人一有錢就身痕！呢半年唔單止掂都冇掂過我，飯都未曾同我食過一餐呀！」睇嚟佢一定好寂寞，今次有機會喇！
我輕輕拍佢肩膀話：「唔使驚，世界上大把好男人啦。」嘉怡望實我話：「我唔單止要好男人，仲要床上好勁嘅男人喎！」我挺一挺腰，好得戚咁話：「1晚4次夠未？」（待續）