世界波：用五官引爆激情

一講到性，男人一定覺得自己嘅子孫根，就係床上最厲害嘅武器，冇咗佢一定唔成事。雖然呢個係事實，但只識得用細佬亂衝亂撞嘅男人，喺女人眼中，只係一部洩慾機器，唔懂得享受性之餘，更加唔可以滿足女伴嘅需要，所以男人應該善用自己身上每一個器官，令女人爽到大叫。

好多人都認為上床同五官冇咩關係，其實咁諗就大錯特錯！每個人面上嘅五官，都係性事上嘅好幫手，足以令好多女人春情勃發，手腳發麻，最後至派細佬上場，咁要令女人攀上高峰，就易辦得多！

眼神過電

好多男人上到床，唔理三七廿一，一定盡快埋門為之最好，更加唔在意任何眼神交流，如果係咁，就真係浪費晒一對眼睛。事關女人上到床之後，仲要一輪前奏工夫，先可以進入狀態，呢個時候一邊做、一邊用深情目光同伴侶交流，女人一定對你更加神魂顛倒，春心蕩漾，難以自制。所以男人上到床，首先要善用目光傳情達意，女人只要畀你電到失魂落魄，就會更容易投入性愛，領會當中嘅樂趣。

鼻聞全身

鼻子係五官中最靈敏嘅器官，而嗅覺亦係令人產生性慾嘅其中一個元素，無論男女，喺春情勃發嘅時候，都會發出一種性慾嘅體味，藉此吸引伴侶，不過女人嘅性氣味當然香啲！所以男人應該趁呢個時候，用鼻子貼近伴侶嘅肌膚，聞遍佢全身發出嘅性氣味。不但自己會愈聞愈硬，女人亦會畀你個鼻尖搞到全身發麻，酥癢難耐。呢種隔靴搔癢嘅感覺，最容易挑起女人嘅情慾，再加上男人聞遍自己全身，會令女人覺得自己魅力無窮，自然更容易進入狀態。

舌探重地

聞遍全身之後，絕對係時候派舌頭上場，經過之前兩官嘅幫手，舌頭可以作重點出擊，喺伴侶最敏感嘅乳尖、耳後、私家重地等，品嘗及鑽探，必定可以令女人欲仙欲死。不過每個女人嘅敏感重地都有少少出入，最好要細心一啲留意佢哋嘅反應，先可以從中得知身體嘅奧秘。

嘴吐蜜語

呢個環節通常係男人鍾意多啲，如果做愛途中，女人講多啲鼓勵性說話，隨時可以令男人更加勇猛。但其實女人都一樣鍾意聽男人講嘢，不過唔係鼓勵性說話，而係讚美式嘅甜言蜜語，尤其是喺性事當中，如果男人仲有本事講得出伴侶有幾正斗的話，包保女人會立即喜上眉梢，連心底裏潛藏嘅激情，都一次過釋放出嚟！