世界波：助性遊戲野戰最到慾

英國《太陽報》針對2,000多名民眾進行嘅《2011性愛報告》問卷調查中，發現有超過50%人士曾經利用「打野戰」嚟助性，其餘則依次序為使用性玩具、邊看AV邊做愛、「綑綁」、「角色扮演」同3P等等。

從以上數據來看，我哋可以搵出四種最受歡迎嘅助性遊戲，其實頭三位都應該有好多人應用，但第四位可能就有啲商榷餘地。不過呢份報告只代表英國人嘅選擇，唔係全球性嘅，大家不妨聽吓佢哋何以會有此選擇。

No.1 打野戰

助性指數：●●●●●

原因：英國人一向都比較含蓄，佢哋凡事都講體面，唔係咁易表達自己嘅情感，所以潛意識喺性事上都好想得到釋放，而打戰野正好令佢哋得到自由，可以無拘無束咁做愛，完全拋開一切顧慮，所以野戰令佢哋身心都得到滿足，絕對係助性好幫手。

No.2 性玩具

助性指數：●●●●

原因：英國近10年嘅經濟每況愈下，失業率持續高企，好多打工仔都面臨失業壓力，所以對於性事自然冇咁熱中。性玩具既可以增加快感，又可以用嚟做前奏道具，甚至正式埋牙時更可以幫輕吓自己，而且對女人嚟講，使用性玩具可以增加刺激感，當然受歡迎啦！

No.3 邊睇AV邊做愛

助性指數：●●●

原因：其實咁多遊戲之中，以睇AV最國際化，唔止英國人鍾意，好多香港人都好鍾意！分別只係睇西洋四仔定係睇日本AV啫！英國人就梗係睇金絲貓主演嘅四仔啦，佢哋對於本土四仔脫星好捧場，無論男女都唔抗拒睇四仔，因為除咗助性之外，仲可以從中偷師，令自己嘅床上表現更勇猛。

No.4 綑綁

助性指數：●●

原因：呢個答案真係令人好意外，以為日本人先鍾意玩綑綁，原來好有紳士風度嘅英國人都一樣咁鍾意玩。不過英國人始終男女平等啲，唔一定係女人畀人綁，男人都好享受畀女伴綁住雙手，然後任由佢哋爬上身自由策騎，呢種被支配嘅快感，其實同SM有啲類似。不過可能佢哋玩重口味SM玩到厭晒，轉吓玩輕手啲嘅「綑綁」反而更新鮮。