話題女王侯詩辰
今日介紹嘅靚女模特兒叫侯詩辰，由於佢外表成熟，拍攝嘅寫真都走熟女路線，令大家都估唔到佢原來20歲都未夠。年紀輕輕嘅佢，為人率直，敢作敢言，早前佢嘅出位言論，更成為全城熱話，因而有「話題女王」嘅稱號。
詩辰出道冇耐，就同自己嘅愛犬雪橇狗拍攝咗一輯性感艷照，大膽程度令人咋舌，人狗互相偎倚，實在惹人遐想。仲有，傳媒訪問佢時，佢竟然將管教狗狗嘅方式，套用喺管教男友身上，立即成為城中熱話，更被網友形容佢為「戀寵女」，結果詩辰因此而人氣急升。
講真，詩辰憑其完美嘅身材，早就已經俘虜唔少宅男，一對35D豪乳，配合高挑身材，真係夠晒煞食，加上佢每次拍攝寫真都瞓身演出，簡直睇到人暈晒大浪。
而前排詩辰又有出位言論，叫啲女星唔好做小三，話靠男人不如養條狗，此番過激言語一出，又成為全城熱話，令佢人氣再次飆升。
有讚有彈
不過，有網友批評詩辰，話佢喺模特兒界輩份低，以後咪講咁多嘢，只會講多錯多，得罪咗人都唔知。但亦有網友大讚詩辰可愛，率直敢言，仲鼓勵佢發表多啲大膽評論。
無論點都好，如果想喺娛樂圈繼續發展，多一個朋友，點都好過多一個敵人，事關呢個圈咁細，他朝山水有相逢，到時後悔就太遲，詩辰嘅事業仲喺起步階段，倒不如學多啲嘢，作多方面嘅嘗試會更好，而且應該專心啲工作，拍多啲噴血寫真畀粉絲睇仲好啦！
詩辰咁好條件，我相信只要佢努力啲，喺呢行發展一定前途無可限量。
侯詩辰Profile
出生地：山東
三圍：35D-24-35
身高：175cm
興趣：養狗