骨場轉餐搵笨

大運會過後，單係深圳就有十幾間骨場新開張，所以一時間骨場多如雨後春筍。可惜，當中質素參差，好似前兩日阿明去咗福田區一間骨場幫襯，以為佢新開張會有優惠益客人，結果不單止冇着數，仲用蠱惑招劏客添！話說入到場後，阿明已好醒目咁向經理問清楚收費如何，對方話機餐服務為200元人仔，並且已包括小費，阿明見價錢合埋，就決定幫襯，叫經理安排囡囡嚟選美。等咗一陣之後，經理帶咗4個囡囡過嚟，並表示如果睇唔中的話，就要等半個鐘頭之後，先會有另一批囡囡嚟選美，阿明見佢有所暗示，於是快手揀咗其中一個囡囡。入房後，囡囡就開始幫佢揼骨，但揼唔夠5分鐘，囡囡就問阿明要唔要由機餐服務轉為短敍，價錢只係三舊水，阿明見囡囡身材前凸後趷，嗒得杯落，於是就應承佢。點知到埋單時，竟然要畀¥550，經理解釋話短敍服務嘅收費唔同，200蚊係基本消費，另外加埋技師小費300蚊，連埋加一總共¥550，阿明即時肉都赤埋，佢話早知間場咁蠱惑就唔幫襯啦，各位爸打千祈咪上當呀！