歌舞技精葉梓萱

今日介紹嘅美少女，除咗係內地當紅嘅模特兒，佢唱歌同跳舞都好有潛質，經常上電視大Show舞技，又參加不同嘅唱歌比賽，並曾奪得獎項，呢位咁多才多藝嘅靚女，就係李欣喇！

出生於湖南長沙嘅李欣，樣子秀麗，身材高挑，加上可塑性高，所以2007年甫出道，即深受廣告商及雜誌歡迎，仲拍咗唔少精彩嘅寫真作品添！

野性十足

李欣嘅寫真中不乏性感艷照，張張都噴血度極高，而且要扮狂野，就野性十足，要扮清純，又可以純如天使，真係非常厲害，而我個人就比較喜歡佢嘅泳衣Look，足可以同日本水着女郎媲美。

李欣除咗樣靚身材好之外，原來仲好有才華，佢從小就學習舞蹈，舞藝精湛，故由2003年開始，連續三年都有份上央視春晚表演跳舞，認真巴閉，之後佢更先後參加全國多個唱歌同舞蹈比賽，每次都奪得獎項，所以話李欣多才多藝，真係無錯。

深受賞識

至於李欣下一步嘅發展，就係踏足影視圈，近年已有唔少電視節目搵佢做主持或遊戲嘉賓，由於佢表現出色，深受製作單位賞識，工作一個接一個，因而知名度大增。拍電視劇方面，李欣表示會小心挑選劇本，以免令粉絲失望。不過，李欣無論點忙都好，都不忘老本行，不時會將啲新寫真照片放上網，一解粉絲們相思之苦，咁識冧Fans，難怪受歡迎程度與日俱增啦！

李欣Profile

出生地：湖南長沙

三　圍：33-22-33

身　高：163cm

興　趣：唱歌、跳舞