人氣胸模顏佩佩

內地娛樂圈有好多靚女，且擁有一副完美身材，好似顏佩佩就係其中之一，不過佢唔想觀眾只注視佢嘅身材，於是去參加歌唱比賽，目的係要證明畀人睇，佢係一個多才多藝嘅藝人，並唔係花瓶。

今年21歲嘅佩佩，出生於湖南懷化，中學畢業後就去咗廣州工業大學讀書，由於樣子秀麗，氣質獨特，被模特兒公司睇中，於是佢就一邊讀書一邊兼職做模特兒。

噴血度高

佩佩身高175cm，兼且擁有一對35吋D Cup巨乳，所以有唔少內衣公司都睇中佢，搵佢拍攝廣告，而佩佩亦一口氣接拍咗多個內衣產品硬照，因此成為廣州最紅嘅「胸模」。

因為佩佩有唔少內衣寫真照，加上佢着上性感內衣，真係噴血度極高，於是引起網友爭相轉貼佢嘅艷照上網，亦因為咁樣，佩佩喺短短一年內人氣爆燈，成為最火紅嘅模特兒。

唔做花瓶

本來佩佩咁紅，自然有大把廣告飛到手，之後上電視台做吓節目，客串做主持，話咁快就會有片約飛埋嚟，到時就會成為影視紅星，但佩佩反而報名參加一個全國性嘅歌唱比賽，佩佩嘅歌藝唔差，一直深受評委同觀眾嘅支持，雖然最後都係落敗咗，但佢喺台上嘅一段說話，就贏得唔少粉絲嘅心，佢話要證明畀人睇，佢並唔係一個花瓶，而係一個多才多藝嘅藝人，佢會為未來付出更多努力，年紀輕輕嘅佩佩咁識諗，一定前途無限啦！

顏佩佩Profile

出生地：湖南懷化

三　圍：35D-24-35

身　高：175cm

興　趣：唱歌