世界波：男扑女愛F檔案

女士認為性同愛密不可分，需要有愛至可以有性，仲要貴精不貴多；但男人往往覺得兩者可以毫無關連，冇愛人都要晚晚搵唔同嘅囡囡開波。點解男女有如此分別？科學家話原來同我哋個腦有關！

英國新聞網站DailyMail最近發表咗一篇有關男女性愛嘅文章，內容就綜合咗來自不同大學科學家嘅研究報告。當中，佢哋發現咗點解女人同伴侶發生關係之後會愛得更深，同埋男人做愛通常只係為求一洩等原因，原來都係同我哋大腦分泌嘅賀爾蒙有關。

賀爾蒙惹禍

每當我哋進行性事嘅時候，身體除咗四肢、嘴唇同舌頭活動之外，其實大腦內進行嘅活動亦相當激烈。根據英國Spire Liverpool Hospital嘅Arun Ghosh博士表示，每當我哋做愛嘅時候，大腦就會分泌出一種名為催產素（Oxytocin）嘅賀爾蒙，呢種賀爾蒙會降低我哋嘅防衞性，令我哋更容易相信別人。

而女人做愛嘅時候，大腦會生產較多催產素，所以女人做完愛之後，好易完全放下戒心，愛得更加不能自拔。而更有趣嘅係，當達到高潮嘅時候，男人嘅大腦通常會生產大量有快樂賀爾蒙之稱嘅多巴胺（Dopamine），而大量嘅多巴胺會令大腦變得快慰，繼而上癮，驅使男人不斷追逐性愛。

交歡好處多

性愛除咗令女人更容易墮入愛河，又令男士們為之上癮外，其實好處仲有好多，例如：

1 活化大腦

人類去到35歲時，每一日會喪失近7,000個腦細胞，令大腦功能日漸退化。不過Princeton University嘅科學家發現，每當做愛嘅時候，血液除咗會大量流向性器官，仲會流向大腦，令腦細胞得到嘅氧氣量大大增加而變得更健康。

2 做愛止痛

有科學家表示，當達到高潮嘅時候，傳遞快慰感覺嘅訊息會完全抑制痛苦訊息，令大腦幾乎完全感受唔到痛楚，而事後亦對痛感有點兒麻木，所以做愛可止痛絕對有根據。

3 焦慮拜拜

女人最大嘅快慰來源，除咗愛意同身體接觸，同時亦包括放鬆心情同減低焦慮。Arun Ghosh博士表示，經過大腦掃描後發現，女人得到高潮時，與情緒相關嘅大腦皮層會大為放鬆，當高潮過後，焦慮情緒幾乎會完全消失。

4 安心入睡

女士經常埋怨男伴做完愛之後蒙頭大睡，冇厘情趣，其實此乃自然現象。Arun Ghosh博士表示，每當男人經歷完一次感覺強烈嘅高潮之後，效果就如同啪咗2-3mg嘅Diazepam（安眠藥），難怪佢哋會咁易瞓着！